我X！今日港鐵又故障喇，本身想back after lunch都變咗back after MTR recover囉。港鐵話荔景站附近一段路軌出現裂紋，荃灣線嘅行車時間就要多10至15分鐘。

不過，連搭港鐵都會塞車，佢話10至15分鐘你又真係信咩。有網民話淨係一個站都停左十幾分鐘喇，嘩搭晒成條線嘅話，條數咪好襟計？睇返港鐵最近兩個月因咩事出現故障先～

八月同九月呢61日裡面加埋有25單故障，嚟嚟去去都係嗰啲原因，唔係訊號故障就列車故障，再唔係就幕門故障咁，唉，總是要重複同樣的錯誤嘅⋯⋯今次就係近嚟較少見啲嘅路軌斷裂，呢啲原因信不信由你，反正我信了。

港鐵成日話「用心聽，用心做」，心繫乘客生活每一程，下次可以用啲貼地少少嘅解釋呀其實。嗱，毛毛好好心地咁幫手諗咗幾個喇：

資料來源：港鐵、港鐵故障記事錄、MTR Service Update