2015年11月02日 星期一
【揚州炒飯2.0？】溫州25米長蛋糕
眾所9知，上次強國揚州整嘅最大份炒飯就畀人取消咗資格，破唔到世界紀錄......但唔緊要，喺邊度跌低，就喺邊度企返身！！！之前喺溫州市龍灣萬達廣場入面，都有20個麵包師博夾手夾腳整咗個長25米嘅蛋糕，諗住申請列入健力士紀錄大全～
不過有啲唔抵得強國整到個咁出色嘅蛋糕嘅網民就話：「仲以為一次過整到個咁長嘅蛋糕?，點知原來係砌出嚟......」，咩呀？而家將啲蛋糕砌埋再搽cream唔使功夫㗎？
聽講個蛋糕仲派咗畀4000人食，一啲都冇浪費，冇做到大嘥鬼～不過......毛毛就喺微博見到有人話個蛋糕好難食，食咗一啖就扔咗喎......
唉，你哋畀阿寶抖下得唔得？
封面圖片來源：艾羅納多wb
