走私煙呀挨瘋呀大家就聽得多，梗係啦，好搵呀嘛，不過唔講唔知，原來而家連螞蟻都有人走私？四川海關最近就檢獲咗800隻嘅螞蟻，佢哋仲要係生勾勾識郁㗎！而啲螞蟻就分別裝喺唔同嘅玻璃試管入面，入面仲有啲濕咗水嘅棉花?......

聽講啲螞蟻係準備運去成都嘅......媽呀，我睇唔透呀！到底走私啲螞蟻去強國做咩呢？係咪啲強國人覺得養獅子老虎太普通，想試下養外國螞蟻呀？強國自己本身冇蟻㗎咩？

以毛毛9估，啲螞蟻應該要嚟：

1. 自我增值：畀啲懶人擺喺屋企做學習對象

2. 美容：泰國都有蝸牛按摩啦，將啲蟻放喺塊面度，幫你食晒啲角質層又有幾奇？（喂，《龍咁威》都有講啦！）

3. 研發新菜式：真‧螞蟻上樹

而有人就話呢啲笨唔係一般嘅螞蟻，其實佢哋係着住蟻俠戰衣嘅螞蟻！雖然佢哋細細粒咁，但唔好唔記得，佢哋可以引爆強大嘅超能力㗎！

嘩......一個蟻俠都不得了，而家仲有成800個?，點夠你玩呀？

封面圖片及資料來源：中新網