有時入到餐廳，就會發現自己有好多病。選擇困難症啦、相機食先強迫症啦，仲有語癌。望住呢啲餐牌，都唔知係自己中文差定英文差，睇唔明嘅喂！

食個三文治啫，唔使咁重口味呀？連kissy kissy都會生BB，咁呢啲有精卵食咗仲得了嘅（誤）？

喂，我同你無仇無怨，做乜擺我上枱仲要食我全家呀？好在我識睇中文，原來你認錯咗好勤力嘅我做隻牛啫，但係啲洋腸唔識咁多㗎嘛，等陣嚇親佢哋以後唔嚟香港點算呀？我咪冇洋腸食囉？！

香蕉、芒果、木瓜、西瓜，傻傻分不清？喺呢一刻我都分唔清呀，淨係知道咩係傻西瓜咋！

是咪整鬼啲鬼㗎？個Ladolce甜品拼盤仲神過google神翻譯嘅？定抑或係我唔識食，啲煙三文魚呀吞拿魚呀嗰啲其實係甜品嚟？

係囉，唔識譯就唔好亂9咁譯，譯到錯晒嘛。直接一句話畀人聽係 "English translation"咪算囉～起碼都算係誠實使用英文吖～

睇咗咁多張餐牌，終於有張中英文都睇得明喇，可以肯肯定咁叫餐喇！咦？等陣，我想問跟餐個意粉同改叫嗰隻意粉，有啲咩分別呀？喂？喂？