日本有間餐廳好好咁話畀人聽咩係掛羊頭賣羊頭，仲示範咗點樣就算餐蛋麵冇餐肉、腸仔包冇腸仔，但都一樣可以令客人滿足。

就係呢間燒肉鋪，唔止賣燒肉，仲賣埋新鮮又多汁的背肌肉、腹肌肉、二頭肌肉，睇落夠晒味道，未食都飽呀！

毛毛作為土生土長嘅小鮮肉，行開嘅路線就同呢啲日本高級肉唔太一樣，就算飲埋啲富有蛋白質嘅飲品，都未必可以練到佢哋咁有手感，足夠打通晒大叔同日本妹市場。

見佢哋咁受歡迎，毛毛都有少少自卑，不過金錢可以買到慰藉，至少同樣喺日本就有間啱晒毛毛嘅餐廳。裡面有好多著住泳衣嘅女女做侍應，淨係睇住佢哋著到咁已經開心返。

如果只係有泳衣女女，毛毛又點會話啱晒自己呢？查實呢間餐廳嘅特色(之一)就係毛毛呀！唔係講緊自己，而係佢哋賣嘅意粉上面一條條黑色的毛毛。到底呢堆毛代表啲咩嘢呢？？自行參透下啦。可能有少少過咗火，但以形補形呀嘛！

封面圖片及資料來源：youpouch