從前，有班後生仔，對住街邊個反光鏡自拍，點知畀佢哋影到啲…… 污糟嘢......

係呀，反光鏡好污糟㗎，你有幾可見到清潔叔叔嬸嬸掃完地會抹埋塊反光鏡呀？台灣就有個73歲嘅伯伯，見馬路邊啲反光鏡唔係畀樹木遮住，就係生晒青苔封晒塵，所以就騎住架電單車去勻台北市呀新北市呀桃園市，做抹反光鏡義工。佢只係4年，就抹咗6萬幾塊喇！

好人伯伯有時仲會為咗抹反光鏡而跌親?呀，哎呀睇住呀，做咩咁唔錫身呀！唔怪得之啲台灣人都叫你「反光鏡菩薩」啦！如果毛毛第日都好似呢位伯伯咁有心有力周圍去就好囉，不過，首先要有電單車，同車牌…… 唔知毛毛70歲前考到未呢？

封面圖片、資料來源：人間福報、聯合影音