學星爺話齋，做人冇夢想，同條鹹魚有咩分別喎！不過你哋啲廢青......書又話唔想讀、工又話唔想返，又點會明白星爺句金石良言吖......唉！

其實一日百9樣功課、測驗、考試加TSA咋嘛......咪脆脆地做咗佢囉！你哋知唔知呢個世界上有好多人想讀書都冇得讀㗎？喺外國就有個97歲嘅婆婆，想當年佢得17歲嘅時候，未畢業就要中途輟學喇......不知幾陰公豬！

聽講佢係因為要照顧兄弟姊妹同有癌病嘅阿媽，所以先搞到連書都冇得讀......不過唔緊要，就喺79年後嘅而家，佢終於可以拎到自己嘅畢業證書喇！

張證書仲要寫返當年佢應該要畢業嗰個年份?～真係好令人滾動呀，唔怪得個婆婆喊到咁啦！嗚呀！

雖然婆婆等呢張畢業證書已經等咗79年咁耐，但起碼最後都唔係白等吖～其實呢個世界上，有好多人等足一世都得唔到自己想要嘅嘢，即使想要嘅嘢係幾咁渺小......

封面圖片及資料來源：gameover、USA TODAY