香港嘅膠袋徵費計劃，就係要鼓勵大家自備環保袋，用少啲膠袋。而一向走得最前嘅強國，就索性連環保袋都唔帶，用一件衫，一條褲就搞掂晒喇！

近日呢條片喺網上瘋傳，片入面個女人疑似係偷嘢畀人捉住咗，但係因為佢嘅收藏方法實在太神奇，連捉佢嘅人都要讚佢一句你真牛Ｂ！再叫佢表演一次畀大家欣賞呀。

首先係一打嘢飲。

成條對落自己條褲度，得咗！

跟住係重量級選手──一樽油出場！毛毛目測應該最少有3公升咁上下。

最後佢仲成功將其他嘢，即係加多兩枝酒同兩個罐頭，塞晒落自己條褲度，望落就好似一個真大肚婆一樣，如果佢搭地鐵毛毛分分鐘會起身讓座畀佢?喎！

簡直眼界大開呀！唔講毛毛仲以為自己睇緊人體奧妙展呀！強國行得咁前，點夠你玩呀真係。

有片有真相，link喺下面呀。

封面圖片及資料來源：Rosa Mack/強國瘋情話