毛毛長知識鳥！原來喺港媽眼中，除咗攝影師係唔使食飯嘅之外，私人補習老師都係㗎！話說有個90後私人補習老師幫個小朋友上完堂，追咗個家長兩次收補習費個家長都未過數，仲竟然問佢係咪好等錢使呀。

個家長仲瘋狂打電話同錄voice message 畀個 私補老師，鬧佢大學生為咗100蚊都追。係囉大學生，區區100蚊都唔放過，下次補夠100萬先好追人數呀嘛廢青。

有幾個網民都傷心些牙畀人走數嘅慘豬經歷，唉其實之前毛毛都試過，打親畀個媽咪追補習費就畀佢鬧我貪錢…… 真係一言驚醒窮廢人呀，毛毛終於發覺個家長唔係爭我錢，而係袋錢落我袋！私補老師都老師，專業啲，係唔應該為咗幾個臭錢而做㗎，應該免費義教就最偉大最合港媽心意喇！不過如果佢可以畀返幾個like同share毛毛會好啲囉～

封面圖片來源：Sandyestelle/親子王國

資料來源：Sandyestelle/親子王國、鋼琴老師v.s.怪獸家長