喺香港，打工仔要瘋狂OT是常識吧。但估唔到，而家連小學生都一樣咁忙，仲忙到要一路行返屋企一路食晚飯呀。

搞咩連食個飯都冇得坐低呀？原來個小學生因為功課太多，喺補習班做到好夜先走得。返到屋企又要沖涼又要溫書，轉個頭又夠鐘瞓覺，根本就冇時間食飯，所以咪惟有行住食囉。見到呢個情景嘅媽媽網民都表示so sad，仲up咗一張自己囡囡夜晚返屋企嘅背影相?。

其實而家好多家長都覺醒，仲發起咗「我不做奴隸」嘅活動，希望畀返小朋友一個快樂嘅童年，而唔係狂操TSA。

希望會有愈嚟愈多家長參加啦！btw，其實打工仔每日都有好多時間⋯⋯返工囉！

唔知幾時會有人發起埋「我不做奴隸」嘅打工仔版呢？

封面圖片及資料來源：Carman Ho/不願小朋友成為功課奴隸

延伸閱讀：【不願小朋友成為功課奴隸】林子博都post相撐