啲妹豬成日都話要（兵仔）買馬卡龍，唉，細細粒，食十幾粒都唔飽肚但都要成幾十蚊粒。唉，我明，法式旋轉生活品味吖嘛！但我唔明，呢粒，又乾又扁又殘又爛，完全唔似馬卡龍嘅馬卡龍都賣到好很貴！

邊度出產？之唔係偉大嘅祖國囉！淘寶貨嚟㗎！講真佢唔寫明係馬卡龍，毛毛仲以為係俾人咬過嘅雞蛋糕?呀！

索價話就話¥3.99一粒，但個價set咗做¥5000囉，喂，不誠實使用價錢喎！不過，唔誠實之中都誠實咁講明係破損馬卡龍，仲畀埋個貨辦你睇都算係咁。

之但係毛毛再撳多兩撳，竟然畀我發現咗一個震驚13億人嘅咪咪！同一間舖嘅正常版馬卡龍一盒六粒連靚靚包裝都只係賣¥35咋！！！媽呀我好亂呀！咁我應該睇價錢做人，定睇個樣樣做人呀？

封面及資料來源：淘寶