之前嗰幾場世界盃外圍賽因為有球迷噓國歌，結果搞到港足畀國際足總罰錢，大家都巧驚驚（驚冇得再咒奏國歌呀）。

冇得用口，咪用手囉！前幾日曼城對西維爾場波，就有成班曼城球迷因為唔滿意UEFA之前對曼城嘅處分，齊齊舉牌噓爆UEFA呀！

雖然佢哋今次咁樣做可能會再一次畀人罰，但係人哋就有球會撐囉。好似曼城隊長高柏尼就曾經喺記招講過，球迷係有表達自己意見嘅權利呀！嗚，葡萄死毛毛啦！因為遲啲場中港足球大戰，港足已經講到明話唔畀帶政治標語入場呀！不過毛毛已經諗好咗塊牌應該印啲咩喇：

咁樣就係舉起隻手指公讚好，不過倒轉就……嗱毛毛冇講咩呀，你哋千祈千祈千祈千祈唔好咁做呀知冇？

封面圖片及資料來源：telegraph