有個女仔出post話自己發脾氣掟爛咗男朋友支Saxophone，支Saxophone仲要係男朋友爸爸生前送畀佢㗎，個女仔仲唔明佢男朋友點解咁嬲，仲諗買返支畀你咪得囉，但係佢根本就唔知個問題喺邊，你知唔知道唔係樣樣嘢都可以用錢買得返㗎。

每個人都總有一樣嘢係對自己好重要嘅，即使嗰樣嘢喺其他人眼中係幾咁一文不值。有時候，有人會同你講：「件嘢咁舊，扔咗佢啦！」，不過你聽到之後，你會笑而不語，因為你知道重要嘅其實唔係嗰樣嘢，而係同嗰樣嘢有關嘅過去。

到呢一刻個女仔都係唔明白，唔係錢嘅問題呀！呢個世界有好多嘢唔係用錢可以買到㗎，你到底明唔明啫？？！

毛毛就好明，雖然毛毛未試過畀女朋友隨手扔爛啲好重要嘅嘢（因為根本就冇女朋友），都唔識吹Saxophone，只係有呢啲完全唔值錢嘅嘢。

但係就係有好多人畀錢都唔肯賣呢啲嘢，因為呢個世界上總係有啲好似毛毛嘅傻仔，更加重視錢之外嘅價值。所以下次隨手拎起人啲嘢想扔想掟之前，唔該停一停，諗一諗呀。

封面圖片及資料來源：Botswana／香港討論區