老老竇竇，平時起身嗰陣都趕頭趕命趕住出門口，邊有咁得閒摺被呀？其實摺被有幾難啫，連細細粒嘅兔仔都識摺被啦～有個日本網民，屋企養咗隻啡色毛毛嘅兔仔，仲畀埋私家被鋪佢?！

兔仔都有私家被鋪，又幾過癮喎～不過你太曳曳豬喇，搞到啲被亂晒，個枕頭又飛埋出嚟，嗱！唔好望住毛毛呀，我唔幫你執㗎，我要你自己執返好佢呀～

嗚哇，毛毛係咪眼花呀？原來隻曳曳豬真係識得自己執返啲被㗎！！！

哎唷唷～見你隻曳曳豬咁乖咁聽話，仲要毛茸茸咁嘅樣真係好得治癒，不過如果你可以幫我執埋被就仲治癒喇～

封面圖片及資料來源：goen0414／twitter