開講有話，做主播最怕無稿，做人最怕無譜。做人同煮野食一樣，最好唔好太離譜，正所謂譜嘅開始係成功嘅一半，毛孩家陣就私人醒幾個人生食譜過你，等你唔使下下食住檸檬做人。

顧名思義，呢味菜係名符其實嘅分仔料理，如果你同男朋友感情降溫諗緊分手，但又怕一時做錯決定，煮佢就最啱。如果佢真心愛你，佢會覺得你肯為佢下廚非常窩心；如果佢已經唔中意你，佢一定會放上網等大家公審你，再搭單問句係咪應該分手保命。所以話，有名你叫，呢個菜真係蕃兜原蛋兩相宜，我講緊感情。

各位妹豬如果想改變面型，唔需要換個新髮型，試下呢款菜式就得。天然素材嘅部份唔需要準備，只要預留幾尺面皮做返個面底就可以。但係由於呢味係fushion菜，可能要走一轉韓國同內地，先可以令到賣相討好，同埋加強食客嘅信心。最重要嘅一環，就係你必須要搵到個整過容嘅伴侶，咁就算到時下一代嘅面容同你唔似，你都仲可以將茅頭指向佢。

最後呢味菜係大專生專用，因為要用自己做材料，準備一包麥片，搵幾個fd子，加些少創意，度埋條健康訊息，最後拍成一條片就搞掂。你問我煮嚟有乜為？咪為咗參加桂格大專生挑戰賽囉。但sorry，個比賽已經截咗止，鬼叫你手腳慢咩。不過咁，呢味菜最大嘅好處，係可以一次過分畀Ｎ個人食，仲可以一次過食Ｎ份，唔使自己煮喇，去 www.quakerchallengehk.com 品嚐人哋嘅成品啦！