你哋知唔知咩叫做愛？最近喺北京就有個28歲嘅強國男同一個1歲嘅Mary結咗婚，佢哋嘅結婚相足足震撼咗整個強國網絡！雖然Mary只係一個大連製造嘅吹氣公仔，但幫佢哋影結婚相嘅攝影師就話：「每個人都有自己嘅愛情觀同婚姻觀，唔合常理都一定有存在嘅價值，我哋可以唔理解，但應該尊重。」，就喺毛毛消化緊呢個攝影師嘅金石良言嘅時候，腦入面突然出現咗一首Eason嘅歌......

「你何以始終不說話，儘管講出不快吧」
雖然我同你唔好會好似其他情侶咁，每日都講好多甜言蜜語，但我知道，無論我變成點，你都一定唔會離開我。

「當潮流愛新鮮 當旁人愛標籤

   幸得伴著你我 是窩心的自然」

我知有好多人都鍾意用唔同嘅說話嚟標籤我同你之間嘅愛情，不過其實有你陪住我已經足夠。

「當閒言再尖酸 給他妒忌多點

   因世上的至愛 是不計較條件 誰又可清楚看見」

最後我想講，你係我心目中係一個好溫柔嘅人，因為就算其他人嘅閒言閒語有幾難聽，我都未見過你發脾氣，慢慢連我都開始唔care其他人點睇自己......

雖然毛毛仲個A0仔，但我諗，呢種應該就係無條件嘅愛喇！

封面圖片來源：《無條件》MV截圖、楚天都市網

資料來源：楚天都市網