嗱毛毛平時就最憎人講粗口嘅，不過今次軒仔呢個演唱會萬人齊爆粗，就真係抵讚囉！

是咁的，軒仔今次演唱會個主題就係廣州，當佢問台下觀眾覺得廣州話入面咩說話係最有力同最有趣味嘅時候，啲觀眾就答佢係粗口，純情嘅軒仔話唔識講粗口，叫台下一齊講一個字畀佢，全場人好心靈相通咁講咗個「屌」字呀！你知啦，廣州好多節目都係煲冬瓜㗎嘛，軒仔今次演唱會唔單止唱足八成廣東歌，仲教埋人講廣東話最精華嘅（粗口）部份，真係睇到人好滾動呀。

之前國民妹妹IU嚟香港，好溫柔咁用超純正嘅廣東話唱《囍帖街》，個個都大讚佢支持粵語，今次軒仔呢個勇武版都正嘢喎！

毛毛都充滿希望喇！雖然而家有啲學校又普教中，又去繁為簡，又有人經過香港嘅時候都唔唱廣東話歌，不過毛毛相信，只要我哋堅持，廣東話係冇咁易摺埋嘅！！！

封面圖片來源：Fat Mui Willber youtube 

資料來源：蘋果日報