台灣有一位爸爸上個月不幸過咗身，女女好掛住佢，於是明知唔會有人應機都send咗最後一個訊息畀佢：「爸爸我愛你」，估唔到手機上面竟然顯示「已讀」。

平時我哋見到人「已讀不回」會嬲，但同時成日都已讀不回自己嘅父母，到到自己父母再無辦法已讀嘅時侯先嚟後悔，不過呢個就可能係世界上最感人嘅已讀不回。

毛毛成日都覺得老豆呢種生物係世上最嘅神奇嘅，就好似之前嗰不加思索跳落坑渠幫個女執iphone嘅老豆咁，佢永遠會喺你最濕滯嘅時候出現幫你解決問題，或者就算唔喺呢個世界之後，都會想辦法用某種力量盡最後嘅力去安慰你。

毛毛都講到眼濕濕喇，老土啲講句，珍惜眼前人呀。

來源：明報