警察咪又係人，放咗工都會睇咸片打下丁輕鬆下，仲會開心share啲珍藏俾班fd子睇。不過唔小心share錯group嘅話，分分鐘慘過其他人呀！

早幾日台灣有個好有義氣嘅警察share咸片出去，諗住有福同享啦，點知錯手send咗俾193個同事，裡面有男有女，有督察有隊長?！

其實佢唔係一個人㗎！曾經有日本記者將自己嘅丁圖send上公司group，仲有強國人商場大銀幕播錯咸片。

歷史已經重演過咁多次，又一次證明咗人類......唉毛毛都係慳返啖氣。不過條咸片淨係Send咗十幾分鐘，就經歷咗搵督察、定罪、道歉、訓話成個流程，呢啲香港囧隊花成年都做唔到嘅事，台灣十幾分鐘就搞掂喇。

資料來源：蘋果日報