聽講大台每年都會整個新一年嘅節目巡禮，預告畀啲客知嚟緊有咩節目可以落廣告。而2016嘅節目巡禮已經喺噚日舉行完喇，雖然就未出街，要今個星期日先有得睇吖，但內容已經喺網上流出咗喇！正所謂「知己知彼，百戰百勝」，毛記身為大大台就梗係唔可以輸蝕，等毛毛做代表，同大家一齊睇下啦～

嘩！淨係望下個表都覺得好豐富好吸引好想睇喇～不過咪住先......下？《獎門人》又翻炒？

其實心水清嘅大家都知《獎門人》已經做過十輯㗎啦，淨係諗新一輯節目名都諗到頭爆喇......

不過你哋唔好以為大台係冇晒橋先翻炒《獎門人》呀，其實以毛毛9估，應該係大台想挑戰亞視永恆嘅地位，同全世界講，唔係淨係亞視先永恆，獎門人都係永恆㗎囉！btw，如果真係拍嘅話，即係話毛毛又可以無限loop做咗十輯都冇變過嘅經典game，同瘋狂對住電視講呢句對白嚕～跳起yeah！

封面圖片來源：《超級無敵獎門人終極篇》截圖
資料來源：維基百科（2016無綫節目巡禮）、維基百科（獎門人系列）