毛毛細細個讀小學嗰陣，勞作堂整嘅手工都係啲雪條棍相架呀，紙扇呀咁，簡單到唔簡單，但估唔到而家啲小學生已經進化到要整個兵變俑出嚟呀！

呢個老師肯肯定係想透過呢舊兵馬俑，令學生可以學習到中國嘅歷史文化，同埋，訓練……家長嘅手工！係呀係訓練家長呀，個小朋友做完功課仲要溫測驗默書仲要操TSA，飯都唔得閒食，仲邊有時間整手工喎（好似係）！畀家長做，又可以促進親子關係，老師呢個勞作真係用心良苦呀！

其實之前強國都出現過一份地獄級功課，係要班小學生整部電視機出嚟呀！

照咁睇嚟香港同強國嘅小學功課程度都慢慢接軌喇！唔知幾時要整埋萬里長城呀、紫禁城呀、太空船呀、粒子對撞機出嚟呢？

封面圖片及資料來源：Dennis Yuen/小心駕駛(討論別人駕駛態度)

延伸閱讀：【沒有最難】強國地獄級小學功課