好多打工仔都有一個嚴重影響健康嘅問題，就係便秘！！！梗係啦，好多打工仔都成日坐喺度，又少運動喎，不過講到最關鍵嗰樣，就梗係lung廚嗰餐想搵條菜食下都冇啦，食唔夠纖維又點會有便便啫！所以毛毛今日要同大家開心些牙下啲含大量纖維嘅菜式啦～

1) 火龍果炒牛肉

火龍果本身嘅味就唔係好濃，但加上惹味嘅炒牛肉之後，就連火龍果都充滿牛肉嘅味道！不過你啲火龍果係真定假嘅先？假嗰啲咬唔開㗎喎......

2) 香橙排骨

一睇啲橙嘅顏色就知道有幾新鮮啦，橙嘅酸酸甜甜完全將豬肉嘅油膩帶走，食啲時候仲有啲熱辣辣嘅橙汁喺你個口入面爆出嚟，真係諗起都開胃～

3) 士多啤梨炒魚蛋

除咗有士多啤梨同魚蛋呢兩樣主角之外，仲有大量蔬菜喺入面，真係夠晒營養均衡！

4) 香蕉炒西瓜

講到用生果嚟煮餸，呢一味「香西」就肯肯定係難度最高嘅菜式！要將呢兩樣材料炒埋一碟已經難㗎啦，但個廚師竟然炒得夠鑊氣之餘，啲蕉仲要炒得唔爛喎，咁高超嘅廚藝，點到毛毛唔寫個服字畀你呀？

btw，咪話毛毛唔提你哋，少食多滋味，如果唔係便秘變肚痾就唔好啦～

封面圖片來源：Eric Kwan、新浪圖片
資料來源：新浪圖片、國際在綫