毛毛知㗎！你哋成日都笑9強國上唔到404 not found：

又話人係其他國家：

不過正所謂國家要開放，思想要開放，強國喺噚晚終於都疑似開放FB喇！

有網友喺台灣網站PTT爆料，話佢有個中國留學生朋友開心些牙畀佢知強國終於用到FB，不過就要用校園網絡先上到！呢班強國糞青雖然第一次上FB，但佢哋笨冇掛住玩，而係去台灣總統參選人蔡英文嘅FB度留言洗板，表達對強國嘅愛國之心呀！

19個鐘入面已經有六萬幾個留言，強國網民破壞力……sor99ly！我係指創造力，真係嚇我一跳呀！

蔡英文見到自己咁受強國人歡迎，都喺FB post咗篇歡迎佢哋嘅說話。毛毛都好想同班強國人講句WTF，Welcome to Facebook呀！不過唔知佢哋聽唔聽得明呢？

雖然FB創辦人朱克伯格一直都想打開中國嘅市場，上次同習大大見面嘅時候，仲好似請習大大幫佢個女改個中文名?！不過人哋可能係純粹鍾意中國文化啫，今次強國突然開放FB，肯肯定唔關佢事嘅！毛毛讀書唔多，唔知咁多嘢，我剩係知平時出街已經周街強國人，上FB只係希望可以安安靜靜唔使睇簡體字，不過睇嚟呢個願望都係達成唔到嚕，嗚嗚。

封面圖片來源：《家有喜事》截圖/PTT

資料來源：suaijiu/PTT 、蔡英文、蘋果日報