下星期就係港中足球大戰，自己人就梗係要撐自己人啦！有科大同學仔就喺民主牆度貼poster支持港隊呀！

之不過貼咗一日都唔夠，啲口號就畀人摵Q晒，支國旗就仲喺度。

咩話？仲有人寫埋殘體字話睇下港隊輸幾多？肯肯定極有可能喺好大程度上有人冒認強國同胞啦！

有同學仔就好快手咁貼返張新嘅poster上去，問佢哋除咗識撕走口號，仲識啲乜呀。聽聞某鄰近經濟強國最叻就係一有嘢唔啱聽就消失咗佢，係囉，到底全國上下除咗識河蟹，你仲識啲咩啫吓？

封面圖片及資料來源：Progressust