哇哇哇！做咩事叩頭認錯仲扭耳仔跪地拍埋片，搞到成套粵語長片咁呀？

起身起身，咩事搞到要叩頭謝罪咁大件事呀？原來係因為呢班中學生本身應承咗老師就到考試唔打機，仲交埋差電畀miss，點知都係忍唔住去咗網吧打機呀。

Miss知道咗班學生呃佢之後大受打擊，喊住話要唔再理佢哋，於是班同學為求原諒豁晒出去，拍片影自己輪住叩頭跪地，再集體鞠躬扭耳仔。本來拍出嚟嘅片，俾miss睇完就算，點知爆咗出街，搞到唔少人誤會佢哋俾人體罰，其實係班同學仔一片孝心，不過尊師重道得誇張咗少少啫。

其實年輕人打下機調劑下心情都冇壞嘅，不過miss咁肉緊你哋就畀多兩錢肉緊讀下書啦，出人頭地做返個狀元，咁Miss就最開心喇，下次整喊miss，記得要係感動到喊呀！

資料來源：蘋果日報