老老竇竇，毛毛覺得香港人真係好Ｌ慘。私樓，又唔夠錢買；公屋，又要排到2046年先有少少少少機會輪到自己上樓；畀你上到樓，又要驚飲鉛水；驚完鉛水，又到爆鹹水呀陰公！

咩叫一地都係？呢位住喺公屋嘅網民就用例子嚟答你。

傻的嗎？啲水多到好似玩激流咁，仲要唔止走廊喎，啲鹹水仲涌埋入間屋！唔好以為個地下反光呀，全部都係鹹水嚟㗎，咁搞法真係水洗都唔清喇！

呢個網民話，單單今年8月，片中嘅大圍顯耀邨一個月內已經爆咗兩次鹹水，但係嚟到今時今日仲未有人負責任囉。嗱，之前公屋食水含鉛就話因為啲水管係強國製造吖，今次連條鹹水管都爆埋，證明咗一樣嘢，就係原來強國製造的，真係會爆炸㗎！

毛毛都冇嘢好講喇，睇片啦大家。

封面圖片來源：Wai Tai youtube 截圖

資料來源：「風人丸」特別行動組成員香港專頁