唔會㗎唔會㗎，蔡思貝BB係港姐嚟㗎嘛，港姐畀毛毛嘅印象一向就係美麗與智慧笨重，而家你話佢分身，同一時間喺德國同香港讀大學，仲話人張沙紙有可能係假，毛毛死都唔信㗎喇！

10年嗰陣就話自己喺德國讀緊書，但張課程紀錄就話佢喺2010年時已經喺香港讀緊菲律賓比立勤國立大學嘅課程，睇到毛毛都亂晒籠，好想唱返句：「如真～如假～如可分身飾演自己～」嚟贈一贈興呀！少年你太年輕了，話唔定人哋真係有分身，可以同一時間身處兩個地方呢！

話時話，紅透半邊天嘅亞太區最受歡迎女歌手李蘊都係讀呢間大學㗎喎，雖然佢會考只得4分，但間大學都有收佢。照咁睇，呢間大學應該係一間有教無類嘅好學校，肯肯定唔會做呢啲虛假學歷嘅事囉（好似係）。

毛毛讀書唔多，都想極速拎返張大學沙紙呀！蔡思貝BB你可唔可以教我呀？

封面圖片來源：蘋果日報

資料來源：蘋果日報