家長，唔一定怪獸，唔一定個個都要小朋友返11個興趣班嘅，之前有家長發起「我不做奴隸」活動，等大家多啲關注香港小朋友嘅學習壓力，最近都有家長發起咗個不合作運動，爭取取消小三TSA！

雖然話TSA唔會影響校內成績同升中，但學校一樣好緊張個結果，最後咪苦了學生哥要日操夜操囉～

最近家長發起嘅不合作運動，就係希望家長教佢哋嘅小朋友唔睇題目就做TSA操練同試卷，令教育局傻傻分不清張卷係小朋友真心做定亂咁做，破壞數據研究嘅可靠性！竟然有家長會叫小朋友亂咁做操練，真係好大突破！不過毛毛細個冇媽咪叫都一樣亂做嘅，係咪醒先～

唔止呀，呢班家長仲呼籲支持取消小三TSA嘅人將Facebook icon轉做”END P3TSA”，等大家都見到佢哋嘅堅持～加油呀，香港嘅未來就靠你哋喇！

封面圖片來源：家長心聲、聲援「爭取取消小三TSA」

資料來源：香港考試及評核局、聲援「爭取取消小三TSA」、Clement Kam

延伸閱讀：【不願小朋友成為功課奴隸】林子博都post相撐