毛毛豬個男友仔話過，明明係生日，點解我要迫佢同我食大餐慶祝，而唔係返屋企同媽咪慶祝，多謝媽咪生我出嚟！毛毛豬聽到真係好嬲囉，嗰日係你女友我生日呀，你又唔使同我慶祝下咩？唔係我出世你邊會有個咁好嘅女朋友！

有姊妹都喺討論區度呻，話暗示咗好多次，佢仔仔都唔記得佢幾時生日，仲掛住玩手機連望都唔望佢，激到佢勁嬲豬！

佢上到男友屋企，男友都竟然掛住打機，完全唔理佢！比著毛毛豬實好悶好hurt囉，唔通打機都吸引過攬下個女朋友仔咩？最後個姊妹就好狠心咁一個click，就del晒佢仔仔喺game入面啲唔知咩寶物！毛毛豬聽到都爽呀，唔記得女友生日已經係死罪，仲要掛住打機呀嗱！罪加十等！

其實唔止呢兩樣嘢會激嬲女朋友嘅，唔想有比案中男主角更淒慘嘅下場，就自己留意返喇，唔好話毛毛豬唔教精你班港男呀！

不過有時呢，其實男朋友做咩，女朋友都係會搵到位嬲嘅，做得人男朋友，預咗啦～

封面圖片、資料來源：刑小喬／香港討論區