毛毛不嬲都好鍾意睇台灣啲新聞嘅，嗱我絕對唔係因為啲女主播靚先睇呀嗱，我只係……留意世界大事啫！近排就有個台灣新聞女主播因為一次食螺絲而爆紅呀！

呢個女主播喺報導一單撞車意外嘅時候出現語癌徵狀，喺短短38秒入面已經出現咗18個「呢」、6個「逃之夭夭」，總之就係講到終極1999咁樣樣。而家個女主播仲畀人叫做逃之夭夭女主播呀。

佢事後就喺個人fb講返話原來當時佢隻con突然跌出嚟，所以一時反應唔切9 up咗幾句，希望觀眾可以原諒佢。哎唷靚女使乜道歉啫，毛毛鍚返！其實呀，香港大台新聞女主播麥詩敏都因為中東呼吸中級綜合呼吸中東呼中級綜合呼吸綜合症而上位啦：

大大台毛記仲因為咁作咗首亞太子區最受歡迎勁曲金曲＜＜中東與綜＞＞?！聽講而家台灣嗰邊已經出現咗唔同嘅逃之夭夭remix版，呃咗超過45個like同share喇，睇嚟好似商機無限咁喎，大大台快啲整返個啦喂！

封面圖片來源：王先生/youtube

資料來源：nownews、周怡德