機會嚟喇飛雲！毛毛終於搵到成為千萬富翁嘅機會喇！

呢幅睇落好似係亂畫但其實應該肯肯定可能唔係亂畫嘅畫，噚晚喺蘇富比拍賣會以7050萬美金高價賣出呀！呢幅畫嘅畫家Cy Twombly，其實係美國嘅抽象派大師嚟，啲畫出咗名係好似小朋友塗鴉咁！

啲畫雖然睇唔出啲咩大道理，但係就好似毛毛細細個亂畫黑板咁，好有親切感！可惜當時老師唔欣賞我嘅畫作，成日迫人擦走佢，如果唔係我而家一早就儲夠錢上樓啦！

唔知而家先開始畫會唔會賣唔到好價錢呢？不過聽講啲畫家通常都係死咗之後啲作品先會升值，唔通……真係要毛毛死咗之後先用到筆賣畫嘅錢嚟上樓？

封面圖片來源：independent

資料來源：independent、risdwordworks