唉，估唔到光棍節一過，班有拖拍嘅 hihi已經急不及待出嚟曬命！毛毛真係冇眼睇呀！

要出動到A4紙貼喺車頭嚟追殺，仲要叫晒BB豬，畫晒心心咁，盲嘅都知你哋sweet啦！唉，毛毛都只係想靜靜地自己一個行下街啫，做咩咁都要迫我上絕路喎嗚嗚。

雖然毛毛又冇車又冇女......不過我就出名好人嘅，醒多招畀你啦。唔止車頭，車牌都有得示愛㗎！不過你揸車出門口之前唔該提一提毛毛先，等我可以迴避下，唔想見到你哋咁恩愛囉......

封面圖片及資料來源：Chris Luk/小心駕駛(討論別人駕駛態度)