仲有幾日就區選喇，長年閉關休養嘅區議員都要出嚟蒲下頭拉下票喇。

同班街坊咁耐冇見，驚大家唔認得佢點算好呢，梗係要出動特別的宣傳技巧啦！好似梗有一個喺左近嘅骨牌洗街宣傳咁，等你行到邊都見到佢。

不過可能骨牌宣傳界街坊投訴佢阻街呀，所以另一個候選人就動用進化版旗海戰術！掛到自己個頭像成天都係，誇張到好似國慶咁，你想唔認得佢都幾難。

呢個候選人仲有第2招，就係連心鎖！佢喺西環社區綠化支持者嘅藝術品隔籬用成200幾個鎖整個2字出嚟，要剪都有排你剪呀，咁出位嘅拉票技巧，真係得佢先諗到。

同區候選人：張啟昕

資料來源：Tsui Ho Yee/ 西環變幻時（圖二三）、Tsui Ho Yee/ 西環變幻時（圖四五）

延伸閱讀：【骨牌宣傳】梗有一塊喺左近