2015年11月16日 星期一
【你玩晒喇禮義廉】起間辦事處都叫政綱
唉，毛毛畀禮義廉搞到好亂呀，成功爭取喺條街度起多2張櫈、紅綠燈延長兩秒又話係政績；而家連起個辦事處都可以話係政綱喎！
可能毛毛讀書少啦，以為政綱一定係要以民為本、關心社區嘅政策先係叫做政綱，估唔到禮義廉又再一次突破盲腸，話畀大家知，為自己起一間辦事處都可以係政綱嚟㗎！其實諗諗下都啱嘅，冇辦事處，又點同廣大街坊9通膠流呢？唔知道班街坊嘅訴求，就冇得幫佢哋成功爭取；冇成功爭取，就冇得出banner，世界就會少咗好多歡樂㗎喇。
有網民仲話，呢個禮義廉候選人仲試過將塊banner掛喺馬路邊，擋住晒司機啲視線?！算啦，佢哋唔掛banner就冇嘢好做㗎喇(好似係)，係咁易打個電話去投訴佢就算喇知唔知呀。
2015年區議會S16興芳區同區候選人：吳劍昇
封面圖片來源：Rocena Lee Yan Yan
