都話香港同強國成功接軌㗎啦，你睇下，連小學校名都大大隻字寫住Xianggang，腥簡呀！Hong Kong？咩嚟㗎？食得㗎？

呢間位於天水圍嘅小學其實係由一個叫做普通話研習社嘅組織所舉辦嘅，話明要研習普通話，個校名梗係要用埋普通話拼音啦！之不過你拼啲又唔拼啲咁，真係睇到毛毛都亂晒碼呀，你係咁叻叻嘅，就應該連後面嗰句洋腸：Primary School of Science and Creativity都譯埋做kē jì chuàng yì xiăo xué吖嘛。

唔單止校名，連主要學習語言都係普通話，班小朋友一定覺得好有親切感喇！唔知使唔使學埋簡體字呢下？

毛毛9估，呢間學校肯肯定係知道將來普通話會打敗英文，成為宇宙第一語言，所以咪由細教起囉。毛毛都冇咩想喇，只係希望十幾年後，仲有人記得香港個英文名係叫做Hong Kong，而唔係嗰啲波婆摸科嘅拼音囉。

封面圖片來源：陳光明/My Radio. HK

資料來源：陳光明/My Radio. HK、香港普通話研習社科技創意小學校網