香港土地問題嚴重，平時出街都成日見到街邊啲欄杆鎖住晒啲單車呀、手推車呀咁，實行有空間就用到盡！之不過，連尿片都要鎖，毛毛都真係第一次見呀！

有網民喺大埔嘅一條行人隧道度發現兩包疑似想扮單車但係畀人識穿咗嘅成人紙尿片，仲畀人用條鐵鍊同個鎖鎖Q住咗?！保安咁嚴密，唔通呢兩包紙尿片鑲咗金？定係佢哋真係可以當單車咁踩呀喂？

Come on James，而家啲尿片經過強國班水貨客係咁搶之後已經變得好值錢㗎喇！就算你有錢都買唔到呀！呢兩袋嘢分分鐘係個水貨客死搶爛搶先搶到返嚟，成啖心機喺晒入面，攞個鎖嚟鎖住都好合理吖！嗱人哋保安咁嚴密你哋就千祈千祈千祈唔好徒手扯爛個袋喇知嘛？

封面圖片及資料來源：Kate Cheung/Tai Po 大埔