港中大戰在即！毛毛真係好興奮、好期待呀！而就喺啱啱港隊操練完嘅時候，金判坤同李志豪就出席賽前記者會，話聽日絕對唔會以守和做目標，因為佢哋嘅目標係全取3分呀！！！

其實港隊已經唔係第一次咁講㗎喇，上次香港作客對馬爾代夫嘅時候，港隊都有講過要全取3分，而最後香港都1:0贏咗馬爾代夫吖！證明港隊係絕對講得出、做得到㗎！

毛毛相信聽日嘅港中大戰都會一樣，港隊一定可以全取3分！毛記上至腦細下至毛毛都會全力支持你哋，香港隊，加油！！！

封面圖片來源：明報

資料來源：明報、香港足球總會、體路