本身毛毛返工已經返到成條喪屍咁樣樣，但唔知點解，毛毛噚晚睇完場波之後，個心情仲靚過利君牙bb個樣呀！梗係啦，香港隊表現咁出色，英雄輝對手又好似有磁石咁吸實啲波喎，香港隊成功守和，毛毛梗係心情靚啦～

不過有人歡喜就有人愁，尤其係強國人極易碎嘅玻璃心呀，毛毛隔住個mon都見到旺角大球場一地玻璃碎！所以新浪體育就對5萬幾個強國網民做咗個調查，問下佢哋而家心情如何，同埋順便當慰問下佢哋咁囉......

而中國國足嘅教練佩蘭就話，對自己嘅球員一啲都冇失望，仲覺得佢哋已經盡咗力，表現得好好?～嗚哇，中國國足球員有啲咁識體諒人嘅教練真係好幸福呀！

可惜吖，唔係個個都咁識體諒人㗎，啲強國網民仲話佩蘭要為今次贏唔到香港隊負責任?！

btw，你哋又唔使咁灰嘅，如果今次出唔到綫咪下次，再唔係咪下下次囉（如果贏到香港隊嘅話）。

封面圖片來源：新浪體育、腦細A
資料來源：新浪體育、中國球迷俱樂部官方微博