強國官媒出咗名公正持平，肯肯定唔會偏幫任何一方，但今日佢哋嘅報導同評論，唔係鬧強國隊差，就係讚港隊好波。發生咩事呀？是咪世界末日喇？

新華社就話今次場波係「史上最恥」，仲大大力咁批評班強國球員同教練，要佢哋負責任。

連《大公報》今日嘅頭條都讚港隊好波呀！反了反了！你哋咁樣樣，會唔會傷害到班強國球員嘅弱小心靈㗎？不過好彩，仲有啲公正嘅傳媒會幫強國隊講好說話嘅，好似《​環球時報》咁，就話唔應該針對班球員，要鬧就鬧香港班廢青球迷，又噓國歌又舉牌，影響晒強國隊嘅士氣喎。

咪係囉！要怪就怪班廢青球迷啦！踢得差關班球員咩事啫！肯肯定係班廢青係度搞搞震先嬴唔到囉！嗱今次我就撐你喇《​環球時報》。Btw，初頭見到啲鬧強國隊嘅報導真係嚇到毛毛個心都離一離，好彩仲有官媒係咁客觀去報導噚晚場波，知道唔係強國隊嘅錯啫，唔係毛毛以後都唔知睇咩報紙好喇。

封面圖片來源：《​大公報》

資料來源：新華社、大公報、環球時報