2015年11月18日 星期三
【唔係驚呀？】689今年全部畢業禮都唔去？
11月，除咗一日紅色假期都冇之外，原來仲係畢業嘅月份，各大專院校都會喺11月舉行畢業禮，咁又點？即係意味住你哋班hihi好快會變晒雙失青年囉！不過唔緊要，起碼喺變做雙失青年之前，你哋都可以喺畢業禮度近距離觀賞下隻689吖～
不過聽講超然嘅689竟然話今年所有畢業禮都唔出席？有5間大專院校嘅畢業禮已經完咗，而另外5間大專院校都話689唔會出席佢哋嘅畢業禮......
嗚呀，人生其中一個最光輝嘅日子，竟然冇689嘅笑容做點綴？點解要咁對啲畢業生喎！毛毛仲好記得，無論啲人點對佢，佢副尊容都係保持住一個慈祥嘅笑容，就好似太陽咁溫暖！
唉，睇嚟以後淨係先得齊昕bb先可以見到佢個sweet sweet笑容嚕～
封面圖片來源：Now新聞台
