2015年11月19日 星期四
【強國豪宅級公廁】有wifi有電視有埋嘢飲
大家知唔知今日係咩日子呢？燈燈燈凳，係世界廁所日呀！係咪冇咩人知呢？是咪即刻覺得毛毛好博學多才呢？嗱有圖有真相㗎：
好喇，不要迷戀哥，哥只是個傳說。講返正題先，喺今日呢個咁隆重嘅日子，點可以冇強國份呢？北京今日就新開咗個世界級公廁，仲改名做「第５空間」?，真係聽到個名都急急哋呀。
呢個公廁就勁喇，主打有wifi、有得手機叉電，仲有得撳錢?呀！
最叻叻嘅係，佢每個廁格、每個尿兜上面都放咗部電視，等你方便嘅時候都能知天下事。
廁所出面仲賣埋嘢飲，飲得太多急嘅話就可以去屙，屙完又可以出返嚟再飲......咁樣一直loop到2046，喂真係一盤商機無限嘅大生意嚟㗎！咁都畀強國人諗到，真係給力呀！毛毛都好想香港可以有呢啲廁所，之不過又有wifi又有得叉電，我驚入咗去之後，就出唔返嚟喇......
