啪啪啪！又有香港運動員為香港爭光喇！今次係胡兆康喺保齡球世界盃入面以233:219、223:180嘅分數嬴出比賽，勇奪男子組冠軍，係全香港第一個拎到呢個獎嘅人呀！康仔喺賽後就表示而家充滿信心，話自已做得到亦證明咗香港球手都可以做得到，仲話下年一定會再衛冕?！嗚哇好型呀！

有「保齡神童」之稱嘅康仔胡兆康雖然17歲就已經成名，不過要成為世界冠軍，其實呢條路一啲都唔易行。佢經歷過亞運失利，試過用12年先等到一面亞運個人獎牌；期間爸爸、隊友過身，而佢自己亦都不幸喺2014年患上癌症。

不過佢並冇放棄，努力接受治療之餘，仲一直keep住打保齡訓練自己，終於喺2014年仁川亞運會圓咗獎牌夢！

唔好嘅事都已經成為咗過去喇，康仔而家唔單止完全康復，仲做埋世界冠軍?！證明咗只要唔放棄，一定會變得更好㗎！加油呀！香港人會繼續撐你㗎！

封面圖片來源：體路

資料來源：體路（一）、體路（二）、蘋果日報