毛毛雖然係大大台嘅員工，但係都好鍾意睇大台嘅新聞，因為佢哋製作認真，肯肯定唔會是是旦旦。好似之前因為有香港球迷喺港中足球大戰嘅時候舉BOO呢個字，大台就特登整咗個新聞專題同大家解釋下BOO呢個字除咗解噓聲之外，其實仲有其他唔同意思，真係好有心呀。

第一個解釋就係話大聲叫嚇人，特別係用嚟嚇細路仔。

第二個解釋就話係噓聲喇，之不過古乳有暈，重點不嬲都留返喺最後先講嘅（好似係）。我哋一齊睇下到底係咩解釋壓軸出場呀下。

哦！原來BOO仲可以解男女朋友嘅！毛毛讀書少，真係唔知道呀！咁班香港球迷舉BOO肯肯定唔係想噓人或者噓國歌啫！可能係因為香港隊太有型喇，所以咪舉BOO，想班球員做自己嘅男朋友囉！老老竇竇毛毛都好想英雄輝做我男朋友呀，hehe！

Btw，毛毛聽講Hi呢個字喺香港都有唔同解釋，唔知大台幾時會解釋埋呢下？

封面圖片來源：TVB截圖

資料來源：TVB