噚晚香港羽毛球隊21歲嘅伍家朗贏咗奧運冠軍中國嘅林丹呀，叻仔！！！

香港羽毛球公開錦標賽男單16強直落兩局21：9、21：18擊敗林丹，雖然畀人大炒但係林丹都冇發爛碴或者賴個場太細，大方讚伍家朗優秀，突出，係香港本土人，同埋話自己因為受傷而表現唔好。

伍家朗雖然都係世青男雙金牌得主，但係佢都好有誠意咁話林丹係偶像要跟佢學嘢，仲大方咁講感覺到林丹真係受傷先發揮唔到，兩個都好有風度呀。

不過班祖國同胞就咁話佢囉，贏嗰時就捧到人民英雄咁，雖然羽毛球唔係圓嘅啫，但係比賽呢家嘢係有贏有輸㗎啦，不過輸打贏要都見慣㗎喇。

叻仔呀伍家朗，我哋會記住你嘅努力㗎，加油！香港運動員好嘢！

來源：網易體育(1)、網易體育(2)