唔知有冇人玩過無限cap圖呢？一直咁cap cap cap落去，係有啲無聊，但cap咗一大輪之後，係會好有滿足感㗎！

而無限cap圖如果用文字嚟表達，應該就係咁囉：

呢條神級標題（吸一大啖氣先）「關於轉發《關於轉發〈關於轉發〈中央宣傳部辦公廳等關於組織觀看電影故事片《百團大戰》的通知〉的通知〉的通知》的通知」，真係搞到毛毛好亂呀！到底你想轉發同通知幾多次先肯收手呀！

好喇，畀毛毛搵到，呢條標題第一代應該係咁嘅：「中央宣傳部辦公廳等關於組織觀看電影故事片《百團大戰》的通知」，

然後又有人出文件想通知大家佢轉發呢個通知喎，咪係第二代「〈關於轉發〈中央宣傳部辦公廳等關於組織觀看電影故事片《百團大戰》的通知〉的通知〉」，跟住再有人想通知大家佢轉發呢個通知喎，咪再整個第三代《關於轉發〈關於轉發〈中央宣傳部辦公廳等關於組織觀看電影故事片《百團大戰》的通知〉的通知〉的通知》囉……完啦好嗎！我X！

我反彈你個反彈我個反彈呀！呢條無限輪迴關於轉發你個通知標題，仲難解過「令完成已經完成令計劃的計劃」呀。

算喇，毛毛冇氣喇，都係叫返個美美式咸肉三文治式咸牛肉三文治美式咸牛食好過。

封面圖片來源：周保松

資料來源：周保松、snedu.gov.cn、政府信息公開

延伸閱讀：【神級標題黨出現了】 法式哲學級標題：令完成已經完成令計劃的計劃、【做咩啫你】中東中呼美美式咸牛肉三文治式咸牛肉？