秋天喇喎（雖然仲好熱sosad），有冇諗住去大棠睇紅葉呀？香港就唔係度度有紅葉，但日本就多好多喇，最近仲有人用落葉嚟砌寵物小精靈?！

首先就梗係收集一大堆精靈球......呀唔係，紅葉先啱，同埋起好個草稿啦。

跟住就將啲紅葉剪到想要嘅形狀，再貼落畫簿度，一隻紅葉噴火龍就完成喇！係咪好好好簡單呢（聽落）！

呢位小精靈訓練員仲整埋小火龍同伊貝出嚟呀！勁好心機！唔知佢下次會唔會用綠葉整奇異種子呢？

封面圖片、資料來源：Xxx2251/twitter