好yeah！元朗寵物用品店嘅貓貓店長雲吞終於搵返喇！

話說上星期二晏晝，雲吞畀一男一女擄走咗，搞到主人姚太不知幾擔心佢畀人當雲吞咁食咗！

主人周圍貼街招搵貓貓下落，而唔少街坊都一樣好擔心雲吞，周不時喺網上推post等多啲人幫手搵返雲吞。

隔咗6日，雲吞終於返咗屋企喇！噚晚雲吞突然衝咗入佢鋪頭隔籬間韓國食品店，老闆見到雲吞就即刻call姚太去接佢返屋企。

平平安安返咗嚟就好囉，大家唔使咁擔心喇！雖然主人話原諒咗偷貓賊，不過毛毛都係相信衰人有惡報㗎！喵！

封面圖片來源： Maanying Kwan‎ /天下貓貓一樣貓、JoJo Lam/天下貓貓一樣貓

資料來源：Maanying Kwan‎ /天下貓貓一樣貓、JoJo Lam/天下貓貓一樣貓、'Jimmy Lam/‎盡在元朗