噚晚，係刺激又緊張，見盡人情冷暖嘅一晚。

東區漁灣選區嘅徐子見以188票之差贏咗Treegun，成班助選團圍住佢熱烈地彈琴熱烈地唱，毛毛隔住個mon都戥佢（仲有班忍咗Treegun咁多年嘅街坊）開心呀！

呢邊就咁鬼high呀，落敗嘅Treegun就慘囉，唉，你睇佢個眼神......

雖然佢係輸咗，但佢似乎冇放棄成為香港笑匠呢個理想，喺咁灰9嘅毛文，依然為市民帶嚟歡樂！佢接受訪問嘅時候，話自己輸畀首投族，「而家佢哋發揮嘅作用呢，係發揮到一定嘅作用」。呢句睇落簡單嘅說話，其實好有深度囉，佢唔係講緊啲首投族有作用呀，而係首投族嘅作用好有作用咁發揮作用呀！解得咁清楚都唔明，你係咪尖明呀？

封面圖片來源：tvb截圖

資料來源：tvb新聞

延伸閱讀：【哎唷唷】網民狂賀Treegun落選