想當年，毛毛讀書嘅時候係坐窗邊位，上堂最鍾意就係望住天上面啲雲發夢，有時好彩嘅話，仲會畀毛毛見到飛機雲?～而四川成都都有網民發現咗個天出現奇景喎，就係個天竟然一分為二呀！點解嘅？點解嘅？有冇天文學專家可以解釋下呢個現象呀？

等毛毛睇過～又真係啱啱好一半天一半雲喎！吖，如果天氣姐姐要報天氣嘅話，都唔知應該話佢係天色明朗定大致多雲好喇......

而且唔止一個網民影到㗎，有好網民都見到呢個「半天半雲」嘅現象，仲即刻影相擺上網同大家開心些牙?～

不過啲雲將個天一分為二又算得係嘅咩吖，之前有日本網民影到不死鳥?啦！

btw，雖然香港個天又冇「半天半雲」，又冇不死鳥，但其實我哋都有個pretty cloud吖～唔好誤會，毛毛笨唔係講緊講嘢大大聲、個樣又好似元秋嗰個，我講緊曾經喺香港出現過嘅彩雲咋！

封面圖片來源：中華網

資料來源：網易新聞、中華網、hiehie_no_mi／twitter、Leung Chi Wai/香港突發事故報料區

回帶：【堅靚呀】香港今朝有彩雲