你幾時會最驚人走數呢？唔係見到人喺facebook話咩「如果鼠王芬贏我就喺黃埔裸跑」嗰陣呀花生友，係網上買賣嗰陣呀！

最近有網民話佢約咗個買家交收Ipad Pro，講好咗一手交錢一手交貨，點知到交收嘅時候個買家叫咗自己女朋友嚟check貨，佢就另外過數。

賣家收到入數紙張相就即刻去櫃員機check下是咪真係過咗數啦，點知原來係未入數㗎！睇返入數紙張相，戶口號碼同其他字完全唔同深淺顏色，好明顯係改圖嚟喎師兄。

如果用支票交易，仲要小心啲張支票有咩冬瓜豆腐，唔好學似陳豪咁呀！Between，唔知是咪毛毛心多呢，硬係覺得政府新聞網句caption好似抽緊唔知邊個水咁嘅？

封面圖片來源：Fung Chi Wai

資料來源：Fung Chi Wai、政府新聞網